March 20, 2016

Please reload

Недавние посты

Семья года 2018 г.

November 29, 2018

1/2
Please reload

Избранные посты

"77 лет с любимой газетой" З.ЗАЙНАЛОВ

February 13, 2017

В газете"ХIакъикъат  "  №5 от 10 февраля 2017г. опубликована статья  нашего 93 - летнего  земляка Зайнудина Зайналова "77 лет с любимой газетой", посвященная 100 летнему юбилею газеты.

Статья посвящена истории развития газеты , которая стала для Зайнудина Зайналова  “… гостем , другом , наставником”. О трудных путях становления газеты, перед которыми газета выстояла. В этой борьбе журналисты победили, потому, что "слово журналиста сильнее пули"! пишет Зайнудин Зайналов. 

Ниже приводится полный текст статьи на аварском языке.

Лъабкъоялда анц1ила анкьго сон бокьулеб газетагун

 

Заман кинаб бач!аниги, сундуего кумекапъе батана маг1арулазе газета

 

"Х1акъикъат" газеталъул г1асруялъулаб юбилеялде х1адурлъулеб заманалда, газеталъулгун кидагосеб бухьен бук1арал церегосел нижер гьудулзабаз  росабазул мухбирзабаз кагътал рач1унел руго, жидерго рак1алдещвеялги хъван.  Жакъа нижеца газеталда бахъулеб буго 1939 соналдаса нахъе газеталде хъвадарулев вугев 93 сон барав, Гъуниб районалъул К1огьориб росулъа Зайнудин Зайналовасул макъала.

 

Машгьураб, къадрукъимат к1удияб маг1арул газетагун ана дир г1умруялъул 77 сон. 60 соналде бахуна дир гьоркьоса къот1ич1еб х1алт1ул стаж. Ц1алулеб заманалдаго хъвалеб бук1араб гьеб дица гьанжеги гьоркьоса къот1изе теч1о. Бокьулеб газета халкъалда гьоркьоб т1ибит1изабизеги дида бажарараб х1алт1и гьабула.  Гьеб хъвазе, т1ибит1изабизе гуребги, кидаго дица теч1о гьелъулгун бухьен къот1изеги.

Маг1арул "Х1акъикъат" газета лъугьана дие гьоболлъунги, гьалмагълъунги, г1акълучилъунги. Гьелъ дида малъана адабиятги, маданиятги, маг1арул мац1ги. Газеталъ  квербакъана дун маг1арул мац1алъул ва адабияталъул учительлъун лъугьиналъе. Гьелдаса дун рек1екълъич1о, гьелъул баракаталъ  дие  г1умруялъго  чед  насиблъана.

Газеталъе  хасаб къимат  кьезеги гьеб беццизеги дун лъугьинаро,  гьеб нилъер  халкъалъ гьабулеб буго. Гьелъие нуг1лъилъун ккола  гьаб зах1матаб заманалдаги гьеб  хъвалеб ва ц1алулеб бук1ин.

Зах1матаб ва х1алуцараб заманалда байбихьун  буго нйлъер газеталъе кьуч1 лъезе. Киналго квек1еналги къезарун,  бахъана  гьеб  нйлъер  умумуз, гьоркьоса къот1изе биччач1ого, газета халкъалъухъе  щвезабунги  буго.

Бук1ана заман газеталъул жиндирго хасаб раг1и гьеч1еб, "Дагъистаналъул правда", маг1арул мац1алдеги буссинабун, бахъулеб. Бигьаяб  иш бук1инч1о доб заманалда бокьарав  чиясе критика гьабиги, кколеб раг1и абиги. Чанц1улго хисана алипги, газета бахъулел бак1алги, газеталъул ц1аралги.

Газеталъул ц1ал жидеде щваразги ва щвезе гурилан х1инкъарал х1алихьатал чаг1азги, рах1му тун, рец1ел босулаан  мухбирзабаздаса. Чанги ккана х1ужаби гьединазул  бидулал квераздаса лебалал мухбирзаби г1умруялдаса рат1алъаралги, к1удияб г1акъуба къварилъи баччизе  ккаралги.

Амма журналисталги, мухбирзабиги, газеталъул  гьудулзабиги къуркьич1о. Гьел бергьана басмаялъул раг1и гуллидаса къуватаб бук1иналъ. Редакциялъги, рух1ги жанги кьун, ц1унулаан жидерго  х1алт1ухъаби.

Заман кинаб бач1аниги, сундуего кумекалъе батана газета маг1арулазе. Къимат кьун к1оларебг1ан к1удияб х1алт1и гьабуна гьелъ, К1удияб Ват1анияб рагъул соназда фашизм щущахъ биххизабизе халкъ бахъинабулаго. Рагъ лъуг1изег1ан нахъе бахъич1о "Кинабго фронталъе, кинабго бергьенлъиялъе г1оло" абураб рубрика - ах1и. Кидагосеб бухьен бук1ана фронталъулгун. Гьеб цебехъанлъун бук1ана рагъул бах1арзал реццулагоги, фронталъе кумек гьабулагоги, тыл щула гьабулагоги, халкъ цолъизабулагоги. Доб, телевизор гьеч1еб мехалъ, кинабго хабар халкъалъухъе щвезабулаан га­зеталъ ва радиоялъ. Бергьенлъиялъе г1оло газеталъ лъураб бут1аялъул xlaкъалъулъ т1ахьазул томал хъвазе мус тах1икъаб буго гьеб.

Ч1ах1ияб г1елалъул г1адамазда лъик1 лъала, рагьдаса хадусел соназда ч1унтараб маг1ишат рук1алиде ккезабулаго, газеталъ  гьабураб х1алт1и. Реццана зах1маталъул церехъаби, данде росана къецазул х1асилал, хъвана колхоз-совхозазул бергьенлъабазул х1акъалъулъ, «кьаби щвезабуна» жамаг1ат цебет1еялъе квалквал гьабулелщиназда, халкъалъул  буголъи  пасат гьабулезда.

Гъуниб районалъул г1адамал кидаго рук1ана ва гьанжеги руго бищунго газета ц1алулездаса цоял. Нижер районалдаса т1оцересел мухбирзабилъун рук1ана Мух1амад-Султ1ан  Г1исаев, Мух1амад Къасумов, Мухтар Xlacaнов, Ибрагьим Хачалов, Х1айбула Абакаров, Нурмух1амад Абих1асанов.

Жакъаги нилъ киналго нуг1заллъун руго дин цебет1езабиялъе, хал­къалъул цолъи-гьудуллъи бук1инабиялъе, г1олилазе г1аданлъиялъулабгун патриотикияб тарбия кьеялъе, маг1арул адабият ц1униялъе газеталъ бахъулеб бугеб жигаралъе.

Дун бищунго вохула газеталъ маданияталде кьолеб к1варалдаса. Шаг1ир вахъинч1ониги, дицаги хъвалаан цо-цо куч1дул, поэмаби. Рак1алдаса унаро, щибго маг1на гьеч1ел гьелги росун, дун щолаан нйлъер машгьурав шаг1ир Ц1адаса Х1амзатихъе. Цо нухалъ гьес  абуна гьел жеги г1урччинго ругин, гьел рарщизе, ц1убазе ккани, мун г1емер х1алт1изе кколин. Ц1акъ кват1ун гурони бич1ч1ич1о дида гье­лъул маг1на. Цоги нухалъ гьес дида абуна (дица гьев бизар гьавулев вук1араб къаг!идаха), дуца жиндир х!алт1уе квалквал гьабулеб бугила, рокъовег1аги вач1аян. Рокъовеги дун, к1удияб гьунар гьабулев  чи г1адин, гьесдаса цеве кколаан. Кидаго ратулаан гьалбалги росулъа рач1арал г1адамалги. Гьеб ах1валх1алалдаги дун гьес рак1 разиго нухда т1амулаан. Гьединал, г1аданлъи бугел, г1адамазул xlypмат гьабулел насих1атчаг1и рук1ана редакциялда, гьединаллъун рихьула ди­да гьанже ругелги.

Бак1 ккун бук1аго бокьун буго рак1алдещвезаризе 3. Х1ажиев, XI. Темирханов, А. Мух1амаев, М. Шамхалов, XI. Мадиев, гьений йик1арай ункъо Пат1иматги, фамилиял киназулго рак1алда гьеч1о, г1айиб гьабуге.

 

Гьединго дида лъик1го лъалаан XI. Г1арипов, М.С. Х1асанов, Г1.М. Хачалов, X. Х1амзатов, М. Хазамов, М.Ш. Х1ожокъов, Г1.М. Палиев, М. Хаджаев, М. Ханзах1маев, Ш. Па­лиев, М. Мах1мудов, М. Имах1ажиев, Т. Таймасханов, М. Сулаев, Г1.XI. Шахтаманов, XI. Залов. Жалго дида лъач1ониги, лъик1ал макъалабаздалъун баркалаялъе мустах1икъал руго газеталъул гьанжесел журналистал Шамай Хъазанбиева, Кавсарат Сулей­манова, Нури Нуриев, Г1айшат Х1алакъова, Пат1имат Султ1янмух1амадова ва гь.ц.

 

Сахлъиги, рохелги, халатал соналги гьарула редакциялъул т1олабго коллективалъе.

Рак1рак1алъулаб баркалагун баркула т1аде щолеб бугеб газеталъул rlacруялъулаб байрам.

 

 

З.ЗАЙНАЛОВ,

 Дагъистан Республикаялъул

мустах1икъав учитель,

Россиялъул лъайкьеялъул отличник

 

Please reload

Мы в соцсетях
Please reload

Поиск по тегам