March 20, 2016

Please reload

Недавние посты

Семья года 2018 г.

November 29, 2018

1/2
Please reload

Избранные посты

РОСДАЛ ГАЗА КЬУРДАГИ РЕКIУНА

April 15, 2017

 

Росабалъе гIатIидал нухал

Газета «Гуниб» 2014 г, 10 ноября, № 46-47 (6876-6877)

Кидаго гуро хIукуматалдаса росдал жанисел тIалабазе ва хIажалъабазе кумек щолеб. Цо-цо нухалъ гьеб тIаде босула росулъ иман-яхI бугел сахаватал чагIаз. Масала, КIуяда росулъе нух гьабуна гьезул къадру бугев жамагIатчияс, Сугъралъ росулъе нух бахъана гьезул цIар рагIарав росуцояс… Аза-азариде бахъизабун батайги Аллагьас гьез гьабураб кирияб хIалтIи. Нилъеда лъала гьабсагIат цо-цо росабалъе унел ругел нухазул бугеб ахIвал-хIал. Гьеб буго анцI-анцI соназ бицунеб цого-цо хабар. Гьаниб рехсаниги гIела ГIобохъе, ХIутнибе унел жалго жамагIатаз кIачIазе колел нухазул. Щолеб бугищ гьезие пачалихъалдаса яги районалъул нухазул участкаялдаса кумек?... «ЦIад-бакъалъ чуризе плакатал кIватIир чIвачIого къватIал щай къачIаларел, щай дорожнилъе нухазул ургъел гьечIеб»-абун зигардулел гъуниселги камун гьечIелъул. ГIадада гуро гьаб макъалаялъул бетIер «Росдал газа кьурдаги рекIунилан» лъурабги. ГьабсагIат КIагьадерица росулъе нух бахъиялъе жамагIат цолъун гьабулеб хIалтIи буго цогидазеги мисалияблъун.

Дагьалцере ниж щвана гьеб нух бахъулеб бакIалде. Гьенире унаго нижеда ратана цIияб нухде чабахъ баччун унел «Камазал». Жалго нухалги ругоан гIатIид гьарун , чабахъги бан ва цогидалги хIалтIаби гьарун къачIан.

Нухлул бищун захIматаб «Балкон » абулеб бакIалда нижеда ратана тIадран хIалтIулел росдал  гIолохъаби ва гьезие нухмалъи гьабулел МахIачхъалаялда бугеб «КIогьориб» абураб жамгIияб гIуцIиялъул председатель СагIидов Камил ва гьеб росдал админи-страциялъул бетIер Юшаев Загьирбег.

Нижергун ккараб гарачIвариялда гьез бицана: «Росуцоязул гьариялда рекъон аслияб къагIидаялъ гьеб иш тIаде босана МахIачхъалаялда бугеб «Квадро» фирмаялъул директор ХIасанхIусеница. Гьев вуго росу ккурав, жамагIаталда хадуб ракI унтарав, иман-яхI бугев, жиндиего алжан къачIазе лъикIлъи гьабулев, исана хъизан-къайгун цадахъ кIудияб хIеж борхарав, росулъ бищун къадру бугезул цояв. Гьеб ритIухъ гьабула гьесул фирмаялда хIалтIулел рукIин гIемерисел Аллагьасул рахъ ккурал бусурбаби ва росуцоял.

Гьеб гуребги росдал ва тIолалго шагьаразда ругел гIадамаз нух бахъи ялъе бакIарана цо миллионалде гIагарун гIарац»,-ян абуна гьез. Нухлул кинабго хIалтIи бахъизехин буго щуго миллионалде. ГьабсагIат лъугIун буго ункъо миллионалде гIагарун хIалтIи. Гьел рази ругоан, росдае пайдаяб гьеб хIалтIуе кIудияб кумек гьабурал Буйнакскиялда чIарав Насрулагьил вас АхIмадидаса, «Дагънефть» цолъиялъул генералияв директор Муслимидаса, къого нухалъ самбоялъул рахъалъ чемпионлъун вахъарав АхIмадов ГъазимухIамадидаса, гьесул гьудул, депутат СафаргIалиевасдаса ва гIемерал цогидаздасаги. Гьез ракI-ракIалъулаб баркала кьолеб бугоан щибаб къоялъ гIадин иргадал кумекалъе рачIунел рукIарал гIолохъабазе, гьезие квен-тIех чIезабурал росуцоязе. Гьедин тIолабго жамагIаталъул гIахьаллъигун лъугIизабун буго ункъо киллометраялде гIагарун нух. Бихьулеб букIахъе, жидедасаго бажарараб хIалтIи гьабун буго тIолабго росулъ жанир ва кир ругониги къватIир ругел гIадамаз. ТIокIаб гьезул къуват гIезехъин гьечIо хутIараб дагьабго нухлул манзил къачIаялъе. Нилъер республикаялъул президентасул приаритетниял практаздасан цояллъун ккола росаби цIи гьари, гьенире нухал къачIай ва цогидабги культуриябгун социалияб рахъ цебе тIезаби. Гьединлъидал гьезие кумек щвезе бокьун бугоан. «Дагъавтодоралдаса» ва тIадал идарабаздаса.

Гьез лъикIаб къимат кьолеб гьечIоан жидерго росуцояв районалъул нухазул участкаялъул нухмалъулев Ибрагьимов ГIарипие. «КIогьорибе нух бахъиялъе биччан букIун рагIула анлъго миллион. Гьеб гIарцухъ ГIарипица гьабуна хIалтIи, амма гьабунищ-гьабуна?... Гьанжеги цIи бахъун нух къачIаялъе цо машинагIаги кьечIо гьес»,-илан гьесдаса рази гьечIолъи загьир гьабуна гьез.

КIагьал кидаго хIадурал руго нилъер республикаялъул президентасул, районалъул нухмалъулезул рахъ кквезе. Гьезие бокьун буго росу цIи гьабизе. Гьелъие гIоло базе хIажат рагIула школа интернат. Гьелъ рес кьезехъин буго шагьаралда ругел лъимал росулъе цIализе рачIине. Щайгурелъул КIогьориб школа уна республикаялъул бищунго лъикIал къого школазда гъорлъе.

Гьенир руго махщел ва хIалбихьи бугел мугIалимзаби. Гьединал шартIал (нух, интернат, спортзал ва гь.ц.) чIезаруни росаби цIилъизе рес бугилан ракIчIун ругоан ХIасанов Камилги, Юшаев Загьирбегги. Ниж разилъана Камунаялда аскIоса «Балконалде» щвезегIан чабахъги бан, ракьанчIван каналалги рухъун чанго метроялъ гIатIид гьабун къачIараб гьеб нух бихьидал. Нагагь федералияб нухда тIабигIияб балагь ккани гьеб нухдасан ине рес буго Гъуниб, ЧIарада районалъул росабалъе. Гьеб гуребги аслияб ишлъун ккола гьеб хIалтIуца жамагIат гъункизаби вагIадамал цолъизари. КIагьадерица бихьизабуна «Росдал газа кьурда рекIунеблъи».Росдал администрациялъ тIаде босулеб буго щибаб моцIалъ 20 азарго гъурущги кьун гьенив ремонтер тезе. ЖамагIаталъги кIудияб баркала загьир гьабулеб буго Юшаев Загьирбегие, гьес нух бахъиялъе гьабураб кIудияб хIалтIухъ ва бахъараб хIаракатчилъиялъухъ. Ахиралда гьезие къо-мех лъикIги гьабун ниж тIад руссунаго гьез абуна: «Гъуниб » газеталдаса ракI -ракIалъулаб баркала загьир гьабеян гьеб нух бахъиялда гIахьаллъаралщиназе ва жидер ккарал гIунгутIабаздаса тIаса лъугьайилан, жидеца хадубккунги яхI бахъизе бугила росу-жамагIат цIунизе». Нижерги хьул буго гьеб нух рагIалде бахъиналъе КIагьадерие къватIисан кумекщвелилан.

 

 

Please reload

Мы в соцсетях
Please reload

Поиск по тегам